BOEREWORS FRIKKADELLE
- Huisgenoot
- Mar 5, 2016
- 1 min read
Omskep boerewors in frikkadelle om saam met pasta voor te sit
Genoeg vir 6 mense Bereiding: 15 min. Gaarmaak: 25 min.
500 g boerewors, maalvleis uit derm verwyder 50 g mozzarellakaas, gerasper 3 uie, in fyn skywe gesny 500 g spaghetti, gekook
Sous 2 uie, fyngekap 4 knoffelhuisies, fyngedruk 2 x 400 g blikke gekapte tamaties 30 ml (2 e) tamatiepasta 30 ml (2 e) suiker sout en vars gemaalde swartpeper ’n hand vol pietersielie, gekap
METODE Meng die maalvleis, kaas en uie goed. Vorm die mengsel met nat hande in gholfbalgrootte-frikkadelle en braai in ’n groot braaipan tot goudbruin. Sous: Soteer die uie tot sag en deurskynend. Voeg die knoffel by en soteer nog 30 sek. voor jy die tamaties, tamatiepasta en suiker byvoeg. Verminder die hitte en laat prut 15 min. onbedek tot die sous verdik het. Geur na smaak en voeg dan die frikkadelle by. Sit die frikkadelle en sous voor oor gaar spaghetti. Garneer met pietersielie.
Comments