FRIKKADELLE MET SOUS

Met min bestanddele kan jy steeds iets lekkers op die tafel sit • 4 porsies

Bestanddele 600 g beesmaalvleis 1 ui, fyngekap 2,5 ml (½ t) droë gemengde kruie 2,5 ml (½ t) knoffelsout peper na smaak 5 ml (1 t) asyn 7,5 ml (1 ½ t) worcestersous 60 ml (4 e) blatjang 2 snye vars brood, sonder korsies 1 eier

Sous 43 g (1 pakkie) Potato Bake (Sour cream & Chives) 60 ml (4 e) kookwater 250 ml (1 k) room

METODE Stel oond op 180 °C. 1 Meng maalvleis, ui, kruie, knoffelsout, peper, asyn, worcestersous en blatjang. 2 Week brood in bietjie water. Druk water met hand uit en voeg by maalvleis. 3 Klits eier en meng dit by maalvleis. 4 Vorm balletjies. Pak in gesmeerde oondbak en bak vir 35 minute. 5 Sous Verhit water en room saam in kastrol tot baie warm. Roer Potato Bake vinnig by sodat dit nie klonte vorm nie. 6 Prut vir twee minute en skep bo-oor frikkadelle. 7 Sit warm saam met groente voor.

#mince #meatballs #sauce