Jesus weet
- Rinkink met Woord en Melodie
- Mar 15, 2016
- 1 min read
My Jesus weet…
ja, Hy ken elke swakheid
krankheid en leed,
het hier op aarde
as mens self gesweet,
dit ook nooit gehad
té maklik of breed.
Was meestal misken,
verstoot, gespot en verwerp,
dit als moes Hy leer ken.
maar was Groot genoeg
om telkens met liefde te wen,
slegs te antwoord
in Sy sagte stem.
As Hy dan so goed verstaan,
ons oor en oor
met liefde vermaan,
hoekom vind ons dit so moeilik
om slegs op Sy beloftes te staan?
Hy het dan reeds
die weg na verlossing kom baan.
My Jesus weet…
Ja, Hy ken elke swakheid
krankheid en leed.
Sy genade is so groot
Hy nooi jou vandag
om in alles
net op Hom te wag.
Ja, ons Jesus weet…
©Driekie Grobler
Comments