Mexikaanse hoenderslaai

Genoeg vir 4

Mexikaanse slaaisous

180 ml (¾ k) olyfolie 15 ml (1 e) gekapte brandrissie 15 ml (1 e) lemmetjiesap 5 ml (1 t) heuning gerasperde skil van 1 lemmetjie

Spesery-hoenderborsie

30 ml (2 e) olyfolie 15 ml (1 e) paprika 10 ml (1 t) rooipeper sout en gemaalde peper 3-4 hoenderborsies, in die lengte middeldeur gesny

Kap-kap slaai

1 klein rooi ui, gekap 1 rooi en 1 geel soetrissie, gekap 4 gaar mielies, pitte van die stronk gesny 1 avokado, in blokkies gesny 2-3 slaaitamaties, in blokkies gesny 1 x 410 g blik-rooibone, gedreineer ’n groot hand vol koljanderblare lemmetjiewiggies nacho-skyfies

1 Meng al die bestanddele vir die sous en hou eenkant. 2 Meng die olyfolie en speserye en smeer oor die hoenderborsies. 3 Verhit ’n riffelpan en braai die hoender vir sowat 4 min. aan ’n kant tot gaar. Geur met sout en peper. 4 Meng al die bestanddele vir die kap-kap slaai, skeur die hoender in repies en voeg by. 5 Sprinkel die slaaisous oor. Sit voor met lemmetjiewiggies en nacho-skyfies.

#mexican #chicken #salad #slaai