DANKBAARHEID

Vandag wil ek net uit ‘n opregte hart, baie dankie sê aan my Hemelse Vader, vir al die guns en seën wat ek so mildelik uit Sy hand ontvang.

Die jaar is al klaar so bedrywig, met soveel wat gebeur en moet gebeur. Van tyd tot tyd is dit nodig vir introspeksie. Vir herorganiseer en prioriteite weer in plek kry.

Maar deur al die chaos bly God getrou aan Sy beloftes.

Ek kan nie verstaan dat daar mense is wat aan Hom twyfel nie. Wat hulle lewe sonder Hom kan en wil waag nie.

My lewe sou beslis doelloos gewees het sonder Hom. Hy is die rede vir ons opstaan elke dag, vir uithou en aanhou, want Hy alleen is die Voorsiener van ons krag en uithouvermoë.

Niks wat ons bereik in hierdie lewe, kom uit eie menslike swakheid nie, daarom moet ons gal die lof en eer aan Hom tee, wat dit toekom.

Hy rig en lei ons, rus ons toe met die nodige wysheid en insig, maak paaie gelyk vir en maak ons voete soos die van ‘n Ribbok. Hy neem ons op hoë plekke, en hou ons vas dat ons nie swik of val nie.

By Hom vind ons skuiling en vertroosting, Aanmoediging wanneer ons moedeloos wil word.

Sy genade is standhoudend, Sy liefde onvervangbaar. Sy vrede opreg.

Om in Hom te glo, en Hom te dien, is deur en deur die moeite werd.

Hy leer ons die regte weë in sy Woord, vermaan ons as ons op afdraaipaaie gaan, waarsku wanneer gevaar dreig.

Sonder Hom is ons niks.

“Dankie, my Hemelse Vader vir soveel genade en liefde oor ons uitgestort. Hou ons asseblief nederig, sodat ons altyd gewillige, beskikbare instrumente in U hand sal wees. Stuur ons waar U ons nodig het, want ons weet, U sal ook daar wees. Amen.”

Mag julle ‘n wonderlike dag hê :)

#inspirasie #driekie