LAMSKENKEL MET BOTTERSKORSIE EN LEMOENBLATJANG

Kry die potte gereed om hierdie uitmuntende maaltyd te berei.

Genoeg vir 4 mense Bereiding: 10 min. Gaarmaak: 1 uur

LAMSKENKELS

30 ml (2 e) olie 2 uie, gekap 4 knoffelhuisies 4 lamskenkels 500 ml (2 k) hoenderaftreksel 3 lourierblare

SOET BOTTERSKORSIE 30 ml (2 e) olie 1 ui, gekap 1 knoffelhuisie, gekap 5 ml (1 t) kerriepoeier 200 g patat 200 g botterskorsie 125 ml (½ k) hoenderaftreksel sap en skil van 1 lemoen sout en peper

BLATJANG 2 lemoene, gekap 250 ml (1 k) suiker 250 ml (1 k) lemoensap 1 klein ui, gekap 125 ml (½ k) gedroogde appelkose, gekap 15 ml (1 e) gemmer, gekap 1 steranys 2,5 ml (½ t) fyn kaneel ’n knippie fyn naeltjies

METODE Lamskenkels Verhit die olie in ’n pot en soteer die uie en knoffel tot sag. Voeg die skenkels by en verbruin. Voeg die aftreksel en lourierblare by en laat prut ’n uur. Voeg nog aftreksel by indien nodig. Kook tot die vleis van die been af val. Soet botterskorsie Braai die uie in olie in ’n pan oor matige hitte tot sag. Roer die knoffel, kerrie en groentes in. Voeg die aftreksel en lemoensap en -skil by. Geur met die sout en peper. Laat prut 20 min. of tot die groentes sag is. Maak fyn en verwyder van die hitte wanneer al die vloeistof verdamp het. Blatjang Kook die blatjangbestanddele 10 min. of tot dik in ’n pot oor matige hitte. Haal die steranys uit voor jy dit voorsit.

Bron: huisgenoot.com

#lamb #shank #butternut #orange #chutleny