Aartappelkoekies

Bestandele

500 g aartappels, geskil en in kwarte gesny sout 15 ml botter 1 knypie witpeper 1 knypie neutmuskaat 1 eier, liggies geklits 1 eiergeel, liggies geklits 10 ml gekapte pietersielie 100 g kaas, in 1 cm-blokkies gesny 1 sirkel fetakaas, grof gekrummel 50 ml sondroë-tamaties, grof gekap 100 ml koekmeel 1 eier, geklits 125 ml droë broodkrummels olie vir braai

Metode

Stap1

Kook die aartappels sag in water wat met sout gegeur is. Dreineer goed, plaas terug in die kastrol en skud oor lae hitte totdat die aartappels heeltemal droog is. Druk die aartappels heeltemal fyn en klits met ’n houtlepel tot baie glad. Voeg die botter, sout, peper, neutmuskaat, eiers en pietersielie by en meng goed. Voeg nog sout by indien nodig, roer die kaasblokkies, fetakaas en tamatie liggies deur en laat afkoel.

Stap2

Verdeel die mengsel in vyf gelyke dele. Vorm dit in netjiese koekies met effens meelbedekte hande. Sprinkel met meel, doop eers in die geklitste eier en dan in die broodkrummels. Bedek en plaas minstens 2 uur in die yskas. Verhit genoeg olie in ’n kastrol vir diepbraai tot matig warm. Braai die koekies slegs ’n paar op ’n slag tot goudbruin en bros. Dreineer op papierhandoeke en sit dit voor met ’n vars slaai. Resepte vir almal

#potato #fritters