Heerlike peerblatjang

7 pere, ontkern en in growwe stukke gesny 2 groot appels (groen óf rooi), ontkern en in stukke gesny 2g root tamaties, in wiggies gesny 1 groot ui, grof gekap 410 ml donkerbruinsuiker 500 ml wit- óf bruinasyn 250ml appelbier óf ander sider (ek het Savannah gebruik, sien ook wenk) 2 kaneelstokke 5 kardemompeule, gekneus 5 heel peperkorrels Stuk vars gemmer van 3cm, gerasper

Gooi die pere, appels, tamatie en ui in ’n voedselverwerker en pols tot baie fyngekap. Keer uit in ’n kastrol en voeg die res van die bestanddele by.

Verhit tot kookpunt terwyl aanhoudend geroer word. Laat liggies prut terwyl jy nou en dan roer tot die blatjang dik en gaar is (dit duur net langer as een uur). Bottel in gesteriliseerde flesse en bêre op ’n koel, droë, donker plek.

Lewer sowat 1,5 liter blatjang.

Wenk: Jy kan die appelbier met appel- of druiwesap ook vervang.

#pear #chutney