LAERSKOOL KLEINMOND PRIMARY

Kleinmond is 'n kusdorp in die Wes-Kaap, in die Overbergstreek, is een van die dorpe in die Overstrand Plaaslike Munisipaliteit en is geleë tussen Bettysbaai en Hawston naby Hermanus.

LAERSKOOL KLEINMOND het sy ontstaan in Julie 1925 gehad nadat die destydse skooltjie op Hermanusrivier, 'n plaas halfpad tussen Kleinmond en Botrivier, na Kleinmond verskuif is. Omdat daar op daardie tydstip geen skoolgebou beskikbaar was nie, is 'n sinkgebou betrek. Die sinkgebou was in drie dele verdeel vir die negosie-winkel, skool en stoor. Mej. J.C. Lötter (vandag mev. Pretorius) was die eerste skoolhoof. In die 63-jarige bestaan van die skool was daar net vyf skoolhoofde. (1988) Die eerste permanente klaskamers is in 1927 in gebruik geneem. In 1984 is die eerste Engelssprekende leerkragte vir Engelse leerlinge aangestel.

Laerskool Kleinmond Primary gaan van krag tot krag en kinders ontwikkel en groei tot hulle volle potensiaal met die reuk van seelug, die uitsig oor die berg en die gekoesterde gevoel van kreatiewe onderwysers wie altyd bereid is om die ekstra myl vir hulle leerders te stap.

Kontak Laerskool Kleinmond:

Adres: 24 Hoof Road Kleinmond, 7195 Western Cape, South Africa Telefoon: +27 28 271 3440 Selfoon: +27 83 380 3974

Besoek Laerskool Kleinmond Primary

Laerskool Kleinmond Primary neem deel aan die Rainbow Gospel Radio / Beit Bracha Shades of Love Nasionale Inkleurkompetisie.

#schools #sponsor #competition