SKROEIOOND – Jans Rautenbach

Jans Rautenbach - Skroeioond. (344 bladsye en A5 in grootte)

Die boek kan bestel word by: jansrautenbach.author@gmail.com vir jou getekende en genommerde uitgawe direk vanaf skrywer.

Die koste is: R180 plus posgeld. (Ons maak gebruik van Postnet) dus die volle koste van boek plus posgeld is R280.

Vir diegene wat nog nie "A Rhino Crying A Country Dying" (685 bladsye en 6"x9" in grootte) se eerste uitgawe besit nie, kan jy vir slegs R100 ekstra altwee boeke bestel.

Dit is 'n politiese Afrika avontuur fiksie verhaal.Dus vir "Skroeioond" en "A Rhino Crying A Country Dying" boeke plus posgeld sal die totale koste slegs R380 wees.

Tans is die boek slegs beskikbaar direk vanaf skrywer, want ons is nog besig om uitgewers te kontak en manuskripte uit te stuur.

Ek wil net noem dat 'n groot deel van die winste uit die verkope van die boeke na ons projek "El Shaddai" gaan.

Groete

Jans Rautenbach

Opsomming van Skroeioond: Skroeioond is die boeiende ware verhaal van die skrywer, wat bewys dat geen put te diep of te donker is dat God se beskermde hand jou nie veilig kan vang nie. Die skrywer se unieke skryfstyl maak dat dit ‘n maklik leesbare verhaal is, amper asof hy sy persoonlike tog van hoop, geloof en liefde nét met jou deel. Met tye lees die skrywer se soeke na geluk soos ‘n riller – met tye weer soos ‘n liefdesverhaal. Die bykans onmoontlike pad wat hy deur alkohol-, dwelm-, dobbel- en voorskrif medikasie-verslawing moes loop. Hoe hy sy genetiese doofheid en terminale emfiseem verwerk en aanvaar het. Die pad wat hy deur veertien jaar moes loop om by die Lig uit te kom sal die leser hoendervleis gee met tye, ‘n traan laat wegpik op plekke, en dan ook ‘n glimlaggie ander kere. Skroeioond bewys weereens dat niemand te sleg of te arm is om deur God aanvaar te word nie, en dat almal welkom is om by Sy fontein van die water vir die Ewige Lewe te drink. Elkeen wat Skroeioond lees sal hulleself met een of ander gebeure in dié ware en hartroerende verhaal kan vereenselwig, en besef dat daar hoop is – vir almal!

#boekrak #jansrautenbach #skroeioond