POFFERTJIES OF SOEZEN SOOS HULLE DIT HIER NOEM

Mens benodig: Vir 20-stuks ’n Kwart liter water 100 gram botter 150 gram bloem 4 eiers ’ n half lepel bloemsuiker

Hoe maak mens : Kook die water met die botter en die suiker. Voeg, al roerend, die bloem by. Kook, al roerend op’n sagte vuur tot die deeg ’n bol vorm wat van die bodem loskom. Neem van die vuur en roer dan die hele eiers een vir een deur dit sonder hulle eers te klits en klop die deeg vir ongeveer 10-minute met ’n houtlepel. Neem ’n ingebotterde bakplaat en bestrooi met bloem. Spuit of lê hier en daar ’n lepel deeg. Bak vir 30-minute op 225°C. Haal uit die oond. Knip met ’n sker ’n stukkie af (dekseltjie) en haal de nie-gebakte deeg met ’n lepeltjie uit. Vul de soezen dan op met slasgroom of vrugtestukkies met room, ens Bestryk die dekseltjie met gewone glasuur of met gemolte sjokolade of bestrooi net met poeiersuiker. Julle kan hulle ook vul met vanillapoeding ens.

#soezen #poffertjies #belgium