SKOONMA SE TONG

Mev. M M Pretoius sê: 'n Mens kan dit die vorige dag berei. n Halfuur voor ete warm jy dit dan net gou op. Dis koud ewe lekker.

1 vars of gepekelde beestong van sowat 1,5kg 500ml kookwater 15 ml sout (vir VARS tong) 3 keuienaeltjies 6 peperkorrels 25 ml bruin suiker 25 ml kookolie 25 ml koekmeelblom 50 ml mosterdpoeier 100 g (125ml) suiker 2 ml sout 250ml kookwater 50 ml wit asyn 250 ml mayonnaise Sap van 1 suurlemoen Vars broodkrummels

METODE: Was tong, verwyder kliertjies, voeg kookwater, sout, naeltjies, peperkorrels en suiker by en kook 50 minute in n drukkastrol tot sag. Trek vel af laat goed koud word en sny in baie dun skyfies. Meng olie, meel, mosterd, suiker, sout en kookwater in n kastrolletjie to glad. Verhit to kookpunt en haal van stoof af. Roer asyn, mayonnaise en suurlemoensap by. Pak helfte van tongskyfies in n vuurvaste skottel van 20x20x5 cm en gooi helfte van sous bo-oor. Herhaal lae en strooi krummels bo-oor. Bak 30 minute by 180°C.

#beeftongue #tongue