STAAN IN DIE ‘GAP’ VIR ANDER

Teksvers:

Eks 32:31-32

Moses het teruggegaan en tot die Here gebid: “Ag tog, Here, hierdie volk het ‘n verskriklike fout gemaak. Hulle het vir hulleself ‘n god van goud gaan staan en maak. As U bereid is, vergewe asseblief tog die fout wat hulle gemaak het. Anders moet U maar my naam uitvee uit die boek waarin U die name opskryf.”

Wat is ‘n afbeeld vra jy my? Wel, dit is wanneer jy iets belangriker ag as God wat jou gemaak het. Van die Bybelse tye af al het mense beelde opgerig en dan hierdie beelde aanbid. Vandag kry ons nogsteeds mense wat dit doen, maar meer populêr is goed wat jy kan koop. Kom ons sê ‘n duur Duitse motorkar of in jou geval as tiener; jou ‘tablet’. Moses was baie kwaad vir die volk oor hierdie afbeelde en het dit als gaan afbrand. Maar hy was lief vir die volk, hulle jammer gekry en vir God gevra om hul te vergewe. Maar meer as dit, dat Hy sy plek in die Boek van die Lewe sou opgee vir die volk. Nou, hier is dalk nog iets wat jy nie ken nie. Die dag toe jy jou hart vir Jesus gegee het, het jou naam in God se Boek van die Lewe gekom. Die grootste voorbeeld van iemand wat in die ‘gap’ gaan staan het vir ander was Jesus. Hy is die perfekte voorbeeld. Hy was heilig, en het nie sonde gedoen nie, maar Hy het die sonde van my en jou op Homself geneem en die prys daarvoor betaal. Selfs Jesus se woorde aan die kruis was, “Vader vergewe hulle want hulle weet nie wat hulle doen nie.” Is daar vriende of familie vir wie jy in die ‘Gap’ moet gaan staan? Sal jy vir hul bid en vra dat God hul sal vergewe? Dit beteken nie dat jy nou vir hul moet doodgaan nie, maar net vir hul instaan in gebed.

#gerdajansen