BOU JOU GEESTELIKE SPIERE

Hoeveel van ons is daar wat wag op Sy beloftes vir ons, soms verloor ons moed en wil opgee,ons begin twyfel was dit regtig vir ons belowe, ons begin antwoorde soek, maar wanneer God jou vra om te wag, wat gebeur met jou geestelike spiere? Terwyl jy wag, doen jy geestelike oefeninge om jou spiere groter en sterker te maak, of raak hulle slap en kwyn? Om te wag vir die Here beteken nie om te begin glo dat God jou vergeet, verlaat, laat vaar het of dat Hy ontrou in Sy beloftes is nie. Dit is eintlik wanneer God jou in staat stel om Sy heerlikheid te oorweeg, sterker te staan in geloof, en om te groei in moed en hoop. Onthou, dat om in gebed en geloof te bly terwyl jy wag is nie net oor die antwoord nie, maar ook oor hoe God jou versterk en verander terwyl Hy werk aan die antwoord.

So hoe bou jy die geestelike spiere? Deur eerstens te bly glo dat Jesus se genade groot is, en dat Hy jou lief het, maak nie saak wie of wat jy doen of se nie.

Gereelde, gewyde studie van Sy Woord Soek na God se heerlikheid in die skepping elke dag. Dit is wonderlik om Hom raak te sien in dinge om jou.

Bid en gesels met God gereeld, veral in danksegging en nie net uit bevraagtekening nie.

Spandeer tyd saam met ander wat wel vreugde in hulle harte het, en moenie rond gaan en negatiewe dinge oor jou lewe uitspreek nie.

Mag God se goedheid altyd julle oorval en Sy genade die pad vorentoe oop maak wat julle sal lei tot julle werklike, Godgewende doel op aarde.

#inspirasie