GOD SAL SORG
- Lappieskompers
- Jan 23, 2017
- 1 min read
Mattheus 6: 26
Kyk na die voëls van die hemel; hulle saai nie en hulle maai nie en hulle bring nie bymekaar in skure nie, en tog voed julle hemelse Vader hulle.
Is julle nie baie meer werd as hulle nie? .
Om net te wees. Wanneer U by my op die stoepstoele kom sit en ons saam kan luister hoe die voëls hul maats roep om huis toe te gaan vir die nag. Dis dan wanneer ons die baie wat ons vir mekaar te sê het, nie hoef te sê nie, omdat ons reeds weet.
Gebed: My Heer, na die gejaag en geraas van die dag, wil ek ñ paar oomblikke by U voete sit en net U rus en stilte ervaar. Ek eer U vir skeppings werke, die voëls en diere. Die water uit die hemel. Dankie dat ek kan uitsien na die dag dat al die dinge wat op hierdie aarde soveel trane veroorsaak nie meer daar gaan wees nie. Dankie ook dat ek kan weet dat U persoonlik my trane gaan afdroog. U is eerste in alle dinge, ook in my lewe. Amen.
Comentarios