BLESSINGS HET NIE ALTYD 'N RAND WAARDE NIE
- Blessings op my Tablet - Gerda Jansen
- Feb 6, 2017
- 2 min read
Teksvers:
Ps 37:16, 19
Die bietjie van die regverdige is beter as die rykdom van talle goddeloses …In tyd van nood sal hulle nie verleë staan nie,
in tyd van gebrek sal hulle genoeg hê.
Jy kyk na jou vriend se ‘nice gadgets’, sy ‘cool’ tablet of ‘iphone’ en wens jy kon dit ook kry. Gaan dit jou regtig gelukkig maak? Okay so jy antwoord nogsteeds : ‘Ja’. Dink hieroor: God wil hê jy moet gelukkig wees, hy is nie ‘n pretbederwer nie, maar Hy leer ons dat ons eers Hom moet soek. As God vir jou nommer een in jou lewe is, sal jy sien dat dit wat jy wil hê gaan verander.
Dit beteken nie, dat as jy nie baie geld het nie; dat God jou nie seën nie. Net die mense met baie geld word geseën nie. Blessings is nie noodwendig geld nie. Daardie mense lyk vir jou gelukkig, hul het dalk baie besittings maar dikwels het hul nie liefde nie. Wat sou jy kies, liefde of geld? Ja, die waarheid is ook dat jy albei kan hê.
Die Here seën jou dalk met wonderlike ouers, jy is super slim, of baie kreatief. Kyk eerder na dit wat jy wel het, en moenie vergelyk met ander nie. En weet soos in die Bybelvers hierbo, dat God sal voorsien dit wat jy nodig het. Wanneer jy dalk alles verloor het, het jy steeds vir God. Dit is tog meer kosbaar. Net God kan vir jou werklike geluk en vrede bring. Almal kry een of ander tyd in hul lewe swaar, dalk nie finansieël nie, maar op ander maniere. Niemand kan dit vryspring nie. Hy sal jou dra in swaar en moeilike tye. Loof Hom in elke seisoen van jou lewe. Wanneer jy swak is, sal Hy jou sterkte wees. Laat Hy die vreugde in jou lewe wees.
Comentarios