Loof God in die storm

Teksvers:

Ps 107: 28,29

Maar in hul nood het hulle na die Here geroep om hulp, en Hy het hulle veilig uit hulle ellende gelei.

Hy het die stormwind stilgemaak,

en die golwe van die see het bedaar.

Wat het die storm in jou lewe begin? Was dit as gevolg van jou eie keuse of is dit omstandighede buite jou bereik? Wat die antwoord okal mag wees, weet vandag dat God jou wil help. In die middel van die storm in jou lewe, vra God om jou te help.

Wanneer die golwe rondom jou te rof raak en jy bang en onseker raak, wil God ingryp.

Ons moet leer om bo die storm uit te kyk en op te kyk na bo. Ons moet ‘n verwagting hê van ‘n uitkoms, daardie reënboog wat deel is van God se belofte. Wanneer ons nie meer hoop het nie, bring God die uitkoms as ons op Hom vertrou. Weet dat dit net tydelik is, die einde is in sig, al sien en voel jy dit nog nie. My ervaring was dat wanneer die storm op sy ergste is, is die einde ook in sig. Wanneer jy dan terugkyk na daardie tyd, kan jy nie glo jy het daaruit gekom nie, maar as jy in’zoom’ sien jy God se hand ook in die redding. As jou arms te moeg raak om te swem, lê op jou rug en dryf. Dit beteken jy is geforseer om op te kyk en die golwe te vertrou. Rus in God. Die eiland is nader as wat jy dink.

God is in beheer van die storm, Sy hand sal jou nie laat verdrink nie, Hy hou jou vas. Vra dat Hy Sy hand vir jou sal wys, dat jy rustig kan word. Hy weet wat is die beste vir jou. Hierdie is dalk net ‘n toets van jou geloof. Gaan jy hierdie toets slaag? Dit hang als van jouself af. Leer nou om Hom te loof en te prys ten spyte van die hoë golwe om jou.

#inspirasie #gerdajansen