‘Kneemail’ – Gee my wysheid , Here

Teksvers:

Jak 1:5

As een van julle wysheid kortkom, moet hy dit van God bid,

en Hy sal dit aan hom gee,

want God gee aan almal sonder voorbehoud en sonder verwyt.

Waaroor moet jy vandag ‘n besluit neem? Jy is dalk in ‘n moeilike situasie en weet nie wat om te doen nie. Kyk wat het Daniël gedoen, hy was ook in ‘n moeilike situasie, hy en sy vriende moes die koning se droom uitlê. Hul lewens was in gevaar want hul sou doodgemaak word as hul nie dit kon doen nie. Daniël het gebid en God het die geheim van die droom aan hom bekend gemaak. Daniël het dadelik na die koning toe gegaan en die droom uitgelê, maar ook God die eer gegee daarvoor.

Dit is wat lekker is om God te dien, Hy is die God van alles en Hy weet alles, daarom sal en wil Hy vir jou wysheid gee as jy dit nodig het. Wanneer jy antwoorde soek moet dit nie eens n opsie wees vir wie jy gaan raad vra nie. God moet jy eerste opsie wees. Dan moet jy ook Hom vir vertrou vir ‘n antwoord.

Besef hoe afhanklik jy van God is en gaan na Hom toe in nederigheid, Hy wil jou vandag help en elke ander keer. Dit maak nie saak hoe klein of hoe groot die vraag is nie, God luister en sal altyd daar wees vir jou. Soms kry ons nie dadelik die antwoord nie. Dit vat partykeer tyd, maar moenie moed opgee nie. Daar is kere wat jy dadelik sal weet wat om te doen, en dan is dit die Heilige Gees wat jou lei.

Ons moet fyn ingestel wees op Sy stem, sodat ons dadelik sal weet as Hy met ons praat. Wanneer ons op Hom fokus, word als makliker en duideliker. As op ons eie probeer met ons eie kennis en krag, gaan dit nie altyd so goed nie, en mag ons dan nie vir God kwaad wees as dinge nie uitwerk nie.

#gerdajansen #inspirasie