Kies die regte een

Teksvers:

Gen 24:43-44

Here, ek gaan hier by die fontein bly staan en as hier ‘n jong meisie aankom, gaan ek haar vra om vir my water uit haar kruik te gooi. As sy instem en ook water vir my kamele aanbied, sal sy die vrou wees wat U vir my eienaar se seun gekies het.

Abraham se hart was dat sy seun Isak nie met ‘n Kanaänanietiese sou trou nie. Hy het sy slaaf gestuur om vir hom ‘n vrou te gaan kry vir sy seun. Hierdie slaaf wie se naam ons nie eens ken nie, het in God geglo, hy het geweet van God se beloftes aan Abraham en sy nageslag. Hy het geweet God sal die regte vrou stuur vir Isak, en Hy het.

Het jy die vrymoedigheid in jou hart om God te vra en te vertrou vir jou lewensmaat? Dalk voel jy, jy is nou nog te jonk. En dit is dalk so, maar voor jy eens iemand ‘date’ moet jy versigtig wees. As jongmens kan jy só seerkry van ‘n verkeerde verhouding, dat dit tot eendag jou huwelik kan beinvloed. Daarom bid nou al vir daai regte ou en meisie wat God vir jou bestem het. En dan moet jul in ‘n verantwoordelike verhouding staan, wat God mee tevrede sal wees.

God is so lief vir jou, dat Hy nie wil hê jy moet seerkry en verkeerd kies nie. Hy stel belang in elke deel van jou lewe. Om in ‘n verhouding te staan met iemand is nie net ‘n ‘game’ nie. Jou hart en ‘n ander se hart is daarby betrokke. Vra jouself af hoekom jy in ‘n verhouding met iemand wil wees? En hoekom juis hierdie ou of meisie? Dink jy dat jou pa sal van die persoon hou? Lyk en tree hul op soos iemand wat God volg?

Soms maak ons die fout om te dink dat jy hierdie persoon sal verander, as jul uitgaan dat jy hul na God toe sal lei. Dis gevaarlik. As jy nie sterk genoeg is nie, gebeur die teenoorgestelde en trek hul jou af. Daarom word daar gesê: Liefde is blind. Want ons is raak so verlief dat ons nie die ander persoon se foute kan of wil raak sien nie. Laat God vir jou kies.

#gerdajansen #inspirasie