Honderd present of niks

Teksvers: Hand 9:20,21

– Saulus het by die Joodse aanbiddingsplek daar in Damaskus ingestap en vir die mense vertel dat Jesus die Seun van God is. Almal wat hom hoor praat het, was baie verbaas: “Wat gaan nou aan?” Is hy nie die man wat in Jerusalem verwoesting gesaai het onder almal wat in daardie Jesus glo nie? Hy het dan juis hierheen gekom om hulle te vang sodat hulle voor die hoëpriester aangekla kan word.” het hulle vir mekaar gesê.

Saulus se lewe het radikaal verander toe hy Jesus in sy lewe aanvaar het. Dit is seker een van die kragtigste verhale in die Bybel hoe iemand radikaal vir Jesus verander het. Hy kon nie stilbly oor God en wat Hy in sy lewe gedoen het nie. Wanneer ek en jy ons harte vir Jesus gee, moet dit so uit ons loop soos Lewende Water, en gee ons, ons alles vir God. Hy is ons rede waarom ons opstaan elke oggend. Ons word aan die brand vir die Here. Ons lewe kan nooit weer dieselfde wees nadat ons ‘n ontmoeting met Jesus gehad het nie.

As ons besef wat Hy vir ons aan die kruis gedoen het, ‘geniune’ besef dan kan niks van wie jy is en hoe jy dink en praat ooit weer dieselfde wees nie. Uit dankbaarheid gee jy jou alles vir Hom. Is dit hoe jou lewe verander het? Laat jy toe dat Sy Gees jou denke en jou hart en jou optrede kom verander?

Jesus vra ‘total commitment’. Is jy bereid om dit te gee vir Hom? Hy het dit vir jou gedoen omdat Hy jou liefhet. Niks en niemand kan dit van jou wegvat nie. Moenie dat enige iets in die pad staan tussen jou en Hom nie. Kies om alles te gee vandag en elke dag wat kom.

#gerdajansen #inspirasie