Beskikbaar vir Hom
- Gerda Jansen
- Jul 31, 2017
- 1 min read
Jes 6:8
“Toe het ek die Here hoor vra: Wie kan Ek stuur? Wie sal my boodskapper wees? Ek het geantwoord: Hier is ek! Stuur my!”
Daar is niks wat groter vreugde bring as om Jesus te volg en jou beskikbaar te stel vir Hom nie. Ja, dis nie maklik nie. Dit kom met baie ‘challenges’. Maar om in jou hart te weet dat God jou gebruik vir Sy koningkryk is daardie een ding wat jou gaan tevrede laat voel. Die belangrike deel van jouself beskikbaar maak is om op Jesus te fokus, en nie op omstandighede nie. Moenie toelaat dat mense om jou, jou aandag aftrek van Hom of dit wat Hy deur jou wil doen nie.
Dit beteken ook dat jy verby jouself moet kyk, en dalk wat jy graag wil hê en inval by Sy plan en droom vir jou. God wil ons as sy boodskappers gebruik, selfs vir jou as jongmens. Wanneer ons nie bereid is om Sy opdrag te volg nie, kies Hy iemand anders en kan ons uitmis op Sy blessing. Baie jongmense is vandag skaam vir God en bang om oor Jesus te praat of met ander te deel dat hul Sy kinders is. Ek wil jou ‘challenge’ om nie skaam te wees nie, en om te deel met ander oor wie God vir jou in jou lewe is en wat Hy vir jou doen. Uit verhouding met Jesus, vloei gehoorsaamheid en kan ons dan nie anders as om onsself beskikbaar te stel nie.
コメント