Vir wie jok jy?

Luk 16:10 –

“Wie in die kleinste dinge betroubaar is, is ook in die groot dinge betroubaar; en wie in die kleinste dinge oneerlik is,

is ook in groot dinge oneerlik. Jesus self vir ons kom leer hier in hierdie gedeelte dat ek en jy mense moet wees wat ander mense kan vertrou. Maar ook wie Hy kan vertrou. Dis soms maklik om ‘n klein, wit leuntjie te vertel. Niemand sal mos weet nie. Meeste van die kere begin dit by ‘n klein leuen en dan word dit groter en meer gereeld. Voor jy jou kan kry het jy, jouself heeltemal vas gelieg. Dit het te doen met ons integriteit, dis ‘n groot woord, maar wat dit bedoel is dit gaan oor ons waardes. Is jy iemand wat kies om die waarheid te praat of eerder gou te jok? Ons was al almal skuldig daaraan dat ons vir iemand oor iets gejok het. Jesus vra dat ons dit bely; jammer sê. Ons kan so dankbaar wees dat Jesus vir ons aan die kruis gehang het, nie net vir die klein dinge wat ons verkeerd doen nie maar ook die groot dinge. Dit maak nie saak vir wie ons nie die waarheid vertel het nie, dit bly verkeerd. Of dit vir ‘n onderwyser, jou ouers of jou pelle is. Om ‘n eerlike mens te wees, beteken ook eerlik wees in wat ons doen wanneer niemand ons kan sien nie. Om iemand te wees wat se woorde en dade met mekaar ooreenstem. ‘n Oneerlike lewe kan tot groot nagevolge lei. Maar wanneer Jesus ons rede is hoekom ons leef, maak dit dat ons twee keer dink voor ons iets sê of doen. Sy Gees oortuig ons van sonde en omdat ons Hom liefhet kies ons dan die regte pad.

#gerdajansen #inspirasie