Vergewe 7 x 70

Matt 18:21,22 –

Daarna het Petrus na Jesus toe gekom en gevra: “Here, hoeveel keer moet ek my broer vergewe as hy iets verkeerds teen my doen? Selfs sewe keer?” Jesus antwoord hom: “Ek sê vir jou, nie sewe keer nie maar selfs sewentig maal sewe keer.” Oor en oor lees ek in die Bybel waar God, die volk; Sy kinders vergewe. Dit is net wie Hy is. Wat het jy dalk verkeerd gedoen, wat jy voel jy nie werd is om vergewe te word nie. Dalk het jy sleg gepraat van iemand, gevloek, gesteel…wat dit okal is… weet in jou hart dat God jou kan en wil vergewe. Geen sonde is te groot vir Hom nie. Hy het juis op die kruis gesterf vir vir alle sondes. As Hy dan vergewe, moet ek en jy ook vergewe. Ek verstaan jy voel kwaad en teleurgesteld want jy was te na gekom. Jesus sê vergewe, nie net een keer nie, maar weer en weer. Wanneer ek en jy nie kan vergewe nie, is dit ons wat die las dra, nie daardie persoon nie. Dit kan selfs vir jou voel asof jy nie by God kan uitkom nie, nie Sy stem kan hoor nie, dan is dit dalk ‘n ding van vergewe. Wanneer jy sukkel om te vergewe, jy sukkel om deur iets te werk…kry iemand om jou te help daardeur werk. Dis nie dat jy swak is nie, maar daar is juis mense wat God die gawes by ingebou het om ander te help deur ‘issues’ werk. As jy vergewe sal voel hoe ‘n las van jou afval. Meer vrede in jou hart en weer ‘n oop kanaal deur wie God kan werk.

#gerdajansen #inspirasie