1 + 1 = JESUS

Hand 3:19,20 –

Daarom, bekeer julle en kom tot inkeer.

Dan sal God julle sonder uitwis.

En dan sal daar tye van verkwikking van die Here af kom en sal Hy Jesus stuur, wat vooraf vir julle as die Christus aangewys is. Ons leef in ‘n stukkende wêreld waar ons met lelike goed te doen het, maar ook baie seerkry. Jongmense is vasgevang met dwelms. Hul ken geen ander uitweg. Alle hoop het vir hulle verdwyn. Dit was net een keer en word toe een keer te veel. Soveel hartseer, woede en aggressie. Verhoudings wat nie uitwerk nie tussen ouers met mekaar en ouers en kinders en kinders onder mekaar. Party vlug ander veg. Party vlug na tydelike goed wat hul dink kan help..alkohol, dwelms en wilde partytjies waar seks en pornografie heel bo aan die lysie is. Petrus was nie skaam om vir ‘n hele klomp mense te vertel van ‘n oplossing, vir seerkry en sonde nie. Hy het die antwoord geken. JESUS. Niks het verander nie, die wêreld is nog netso verlore soos wat dit was vir die mense met wie Petrus gepraat het, maar hy het vir hulle ‘n hoop gebring met ‘n naam, ‘n persoon wat lewend is en verligting en nuwe lewe kan bring. Jesus het die dood oorwin en elke sonde wat ons al gedoen het en nog gaan doen. Daarom is ek en jy nou saam met Hom meer as oorwinnaars. Jesus red en bring vir ons vrede maar ook Vryheid..Hy maak ons los van enige iets wat ons kon vashou en ons in die seerkry hou. Kom ons wees soos Petrus en wees nie bang of skaam om vir ander van Jesus, ons antwoord vir hierdie gebroke wêreld te vertel nie. Dit is goeie nuus vir mense wat verlore is en jy kan ‘n verskil maak in hul lewens.

#gerdajansen #inspirasie